KA NUN HIAN A NGAI EM CHE

Phuahtu : Rev H. Killuaia

    Kei rethei tlinglo leh tê ber hi,
    Harsatna tin rêng ten min delh a;
    Tui anga baw tawh hnu ka nun hi,
    Hahchawlhna zawngin a vai ruai thin.

    Ka nun ruak luahtu awmlo beidawng hian,
    Bo pila phatsan che a zuam nem le;
    Lalpa min khawngaihin min luahkhat la,
    Ka nun hian a ngai em che LALPA.

     Kan harsatnate hi engvangnge?
    Keimahnin kan thlen leh siam a ni.
    Sawitur rêng kan neilo kan zak e;
    Kan hmai hupin kan hawi ngam love.

    Kross ah kan tan I nun hlan lo la,
    Kei misual tân damna a awmlo;
    Mahse maw ka LALPA thatzia hi,
    A vuakna vuala tihdam kan nita.