Tunlai hian Whatsapp Plus application hmangtute tan chanchin lawmawm lo zet mai a rawn thleng thar a, chu chu whatsapp lamin 3rd party application hmangte a banned vang a ni. Whatsapp plus hmang mi engemaw zat chuan darkar 24 atanga darkar 72 inkar te hrem an tawk hlawm a, hetiang a buaite tan chuan whatsapp plus uninstall a, an hrem hun zawh veleh whatsapp pangngai install leh mai tur a ni. An hrem hun chhung hi chuan whatsapp pangngai hman leh pawhin i number kha an block tel tlat avangin tih theih a awmlo. Nghah a ngai a ni mai. 3rd Party application hmangtute mai bakah hian post follow nasat lutuk avanga server traffic a jam thin avangin mi post follow nasa deuhte banned an ni bawk.
Hetih rual hian computer atanga online thinte tana thu lawmawm ve thung. Google Chrome browser hmangin computer-ah whatsapp a khawih ve theih ta.
A tih dan tur:
1. I whatsapp kha update la, (whatsapp version thar ber
Version 2.11.498 i neih a ngai)
2. I computer ah Google chrome browser hmangin
web.whatsapp.com ah lut la
3. QR Code a lo lang ang.
4. I android phone a whatsapp kha hawng la, option a whatsappweb tihah khan lut la, QR Scanner a rawn lang ang a, I computer a QR Code rawn lang kha i scan dawn nia.
5. I browser ah chuan i whatsapp a rawn lang tawh ang. I zo fel ta der mai.
