Mobile
handset nei tha deuh chuan… “ka phone chu chumi khami OS chu a hmang a, nang
enge a hman ve?” tia han inzawh te, “I phone in java a support em?” Etc kan tawng ve zeuh zeuh hlawm tawh mai
thei. I la hrelo a nih chuan I tan liau liau in han zirchiang dawn teh ang.
Mobile
phone a a khawl a tak kan hmuh leh kan khawih mai theih te hi hardware a ni a,
hardware te kan han On a, a lo nung ta a, en nuam leh thildang support tura a
awm theihnan khan Operating System a mamawh a, chu a Operating System hman ber
chu tun akan sawi tur hi chu a ni a, chi hrang hrang a awm a, a langsar zual I lo
chhuibing deuh ta ila.
1. JAVA : Java hi tunlai phone man tlawm
deuh hovin a support tam ber a ni a, sun microsystem company in 1996 khan an
rawn tichhuak a, java virtual machine a keng a, hemi support phone hmang tan
chuan .jar leh .jad files ho te kan phone ah kan install thei ta thin a ni.
Java support phone hmang tan chuan Mizo Bible.jar, Mizo Dictionary.jar etc a
support dawn tihna a nih chu.
2. SYMBIAN : Tlem a changkang leh hretah chuan Symbian
phones kan tihho a awm leh a, Symbian leh java support kawp a awm nual
bawk. Symbian OS hi Symbian Ltd (Psion
software) te siam chhuah niin, 2002 kum khan Nokia chuan an S60 series hmasa
ber an lo tichhuak tawh a, Smartphones company design niin Accenture company in
an enkawl zui a, mobile phone OS atan liau liau a siam a ni a, Samsung,
Motorola, Sony Ericsson leh Nokia ten an hmang nasa khawp mai. Proramming ah pawh C++ leh Python te a hman theih avangin a changkangin a tha
zawk deuh a ngaih a ni. Symbian pawh hi version hrang hrang a awm tawh a, S60,
2nd Generation. 3rd Genration, 5th Generation,
Symbian Anna/Belle OS te a awm chho tawh a, tunlai Nokia phone thar Lumia 700
chin hnuai lam ho te hi chuan Symbian
Belle hi an hmang a ni.
3. Windows Mobile : Microsoft company in a smartphones leh pocket
PC tan a an duan niin, Computer a windows OS ang deuh a siam a ni a, OS tha ber
pawl a ngaih a ni. Windows CE, Pocket PC 2000, Pocket PC 2002, Windows Mobile
2003…….Windows Mobile 7 thleng an siam chhuak tawh a ni.
4. ANDROID : Android hi Linux based a siam
niin, touchscreen phone ho hman tura siam deuh a ni a, Android Inc company ten
2003 kum tawp lam khan an siam chhuak tan a, Symbian leh windows phone te
inelna karah rawn chuang chhuak ve in tunlai phone changkang ho chuan an hmang
nsa tawh hle a, OS hlawhtling ber pawl niin, Google in kum 2005 khan leiin,
android application te hi zuar chhuakin Google Play Store an siam nghal a,
graphics leh interface a tha in, games ho pawh a ang tawh hle. 2009 April thla khan Android 1.5 Cupcake
tichhuakin Donut, Éclair, Froyo, Gingerbread, Honeycomb, Ice Cream Sandwitch
leh Jelly Bean te an tichhuak leh tawh a ni.
